సంపుటి

సంపుటి పక్షపత్రిక ౩౦వ సంచిక

2011-11-28T00:55:00.000-08:00

సంపుటి పక్షపత్రిక ౩౦వ సంచిక విడుదలయ్యింది:

మనిషి చేతలలో చేసినది మాటల్లో చెప్పినదాని కంటే వెయ్యిరెట్లు మహత్వపూర్ణమైనదని చెప్పే - కుంతి కధ - ఆదర్శం
మన పురాణాల్లో, ఇతిహాసాలలో ఉన్న పాత్రలు నేటికీ మనకు చెప్పే పాఠాల గురించి విశ్లేషణ - పురాణ విశ్లేషణలో - పురాణ పాత్రల ఔచిత్యం
ఆంధ్రరాష్ట్రంలో అందమైన సముద్ర తీరాలు ఎన్నో... వాటి విహారం ఈ పక్షంలో
ఈ పక్షం చిన్నారులకు మళ్ళధర్మరాజు గారి నేతి మిఠాయి కధ - అన్నదానం
ఈ పక్షంతో కొత్తగా మొదలవుతున్న శీర్షిక - మాధవ్ కార్టూన్లు
ప్రతీ పనిలో, ప్రతీ అడుగులో మనకు ఇంటా, బయటా, మనలో కూడా ఎదురయ్యే ప్రతిఘటన గురించి, తాడినాడ రామచంద్రరావుగారి ఇలా ఆలోచిద్దాం

ఇక్కడ చూడండి

కధారచయితలకు స్వాగతం

2011-11-16T00:36:00.000-08:00

కధ చెబుతారా? వినడానికి మేము తయార్.... మా సంపుటి పాఠకులకు కూడా వినిపిస్తాం... కలం పట్టి, మీ మనసులో ఉన్న ఆ క్ధను మాకు వ్రాసి పంపించండి - editor@samputi.com

సంపుటి సరికొత్త సంచిక - 29

2011-11-08T00:18:00.000-08:00

కార్తీక మాస ప్రత్యేక సంచిక వివరాలు:

సహనం చివరికి ఫలితాన్ని ఇచ్చిందా? మానస కధ - రచయిత శాంతిశ్రీ

కార్తీకమాసం ప్రత్యేకం ఆంధ్రాలో శివసన్నిధానాలు - పంచారామాలు

కార్తీక మాస విశిష్టత, వ్రతాల వివరాల సమాహారం ప్రత్యేకంగా పురాణ విశ్లేషణలో

ఈ పక్షం చిన్నారులకు సుషుమ్నారావు తాడినాడ కధ- నక్కతెలివి

కార్తీకమాస ప్రత్యేక వంటకం - ఉసిరికాయ పులిహోర

సహస్ర శిరచ్ఛేద అపూర్వ చింతామణి - బొమ్మలకధలో మలుపు
పత్రికను ఇక్కడ చదవండి

తెలుగు రాష్ట్రావతరణ - నవంబరు 1

2011-11-01T01:36:00.000-07:00

మా తెలుగు తల్లికి మల్లెపూదండ ... తెలుగు రాష్ట్రావతరణ సందర్భంగా ప్రతీ తెనుగు బిడ్డకు శుభాభినందనలు........
సంపుటిలో తెలుగు భాష గురించి ఇక్కడ చూడండి

కార్తీకమాసం

2011-10-31T03:46:00.000-07:00

కార్తీకమాసంతో సమానమైనమాసం, విష్ణువుతో సమానమైన దైవం, వేదంతో సమానమైన శాస్త్రం,గంగతో సమానమైన తీర్దం లేదని చెప్తారు. సూర్యుడు తులారాశిలోకి రాగానే కార్తీకమాసం ఆరంభమైంది. శివ కేశవులకు అద్యంత ప్రియమైన

ఈ మాసంలో ఆచరించవలసిన వ్రతాలు,చేయవలసిన దీపారాధనల గురించి చూడండి….ఇక్కడ చూడండి

ఈ రోజు తెలుగు వారి అచ్చమైన పండుగ "అట్లతదియ"..

2011-10-14T06:03:00.000-07:00

అట్లతద్దె ఆరట్లు ముద్దపప్పు మూడట్లు" అంటూ జరుపుకునే అట్లతదియ పండుగ పదహారణాలా తెలుగువారి పండుగ. అట్ల తద్ది లేదా అట్ల తదియ తెలుగువారి ముఖ్యమైన పండుగలలో ఒకటి. ఇది ఆశ్వయుజ బహుళ తదియ నాడు జరుపుకొంటారు. "అట్లతద్దె ఆరట్లు ముద్దపప్పు మూడట్లు" అంటూ ఆడ పడుచులకు బంధువులకు ఇరుగు పొరుగులకు వాయినాలివ్వటం పరిపాటి

పట్నాల సంగతెలా ఉన్నా ,పల్లెల్లో కుడా ఇటువంటి కొన్ని పండుగలు అలా ..అలా ... నెమ్మిదిగా మరుగున పడిపోతాయేమో!.ఈ పదహరణాల తెలుగు అమ్మాయిల సంబరం వివరాలకు ఇక్కడ చూడండి

సంపుటిలో ముహూర్తం నిర్ణయం

2011-10-13T01:25:00.000-07:00

నామకరణం, అన్నప్రాసన, చెవులు కుట్టుట, పుట్టు వెంట్రుకలు తీయించడం, అక్షరాభ్యాసం. ఉపనయనం - ఇలా మన హైందవ సంప్రదాయంలో ప్రతీ ఒక్క ముఖ్యమైన ఘట్టానికీ ఒక మంచి ముహూర్తం చూసి చెయ్యడం ఆనవాయితీ. పుణ్యకార్యం జరుపుకునే వారి జాతక చక్రాన్ని పరిశీలించి, అనుకూలమైన, శుభప్రదమైన ముహూర్తాన్ని సిధ్ధాంతిగారు నిర్ణయించడం జరుగుతుంది.

ఇప్పుడు సంపుటి ఈ అవకాశాన్ని అంతర్జాలంలో మొదలు పెట్టింది. మీ ఇంట, ఆఫీసులో ఏదైనా శుభకార్యానికి ముహూర్త నిర్ణయం కావలంటే మీ వివరాలను ఈ పక్కన ఉన్న దరఖాస్తులో మాకు పంపించండి. మా సిద్ధాంతి బ్రహ్మశ్రీ కప్పహంతు సుబ్బరామ సోమయాజిగారు మీ జాతకానికి అనుకూలమైన శుభముహూర్తాన్ని నిర్ణయిస్తారు. ఈ సౌకర్యం ప్రస్తుతానికి ఉచితంగా మీకు అందించడం జరుగుతోంది.
ముహూర్తం కోసం ఇక్కడ చూడండి

వంటిల్లు - చిలగడదుంపతో గులాబ్ జామూన్

2011-10-10T01:28:00.000-07:00

రొటీన్ గా చేసుకునే గులాబ్ జామూన్ మార్కెట్లో కొన్న రెడీ మిక్స్ తో చెయ్యబడుతుంది.అలా కాకుండా చిలగడ దుంప సహజ మంచి గుణాలతో పిల్లలు ఇష్టపడేట్లు

ఇక్కడ ఒక కొత్త తయారీ....

5/10/2011 - దేవి నవరత్రులు - మహిషాసురమర్ధిని

2011-10-05T01:18:00.000-07:00

దేవీ శరన్నవరాత్రులలో నవమినాటి అమ్మవారి అతి ఉగ్రమైన రూపం మహిషాసురమర్ధిని. సింహవాహనాన్ని అధిష్టించి ఆయుధాలను ధరించి, అమ్మ సకల దేవతల అంశలతో మహా శక్తిగాఈ రోజు దర్శనం ఇస్తుంది.

ఈ రోజు విశిష్టత, అమ్మవారి పూజవివరాలు - ఇక్కడ చూడండి

4/10/2011 - శ్రీదుర్గాష్టమి

2011-10-03T22:45:00.000-07:00

దేవీ శరన్నవరాత్రులలో అష్టమినాటి శక్తి అవతారిక - దుర్గతులను నివారించే మహాశక్తి స్వరూపిణి దుర్గాదేవి. పంచప్రకృతి మహాస్వరూపాలలో దుర్గాదేవి మొదటిది. ఆరాధకులకు అమ్మ శీఘ్ర అనుగ్రహకారిణి.

ఈ రోజు విశిష్టత - అమ్మవారి పూజావిధానానికై - ఇక్కడ చూడండి

3/10/2011 - దేవీ శరన్నవరాత్రులలో ఆరవ రోజు శక్తి అవతారిక

2011-10-02T23:25:00.000-07:00

బ్రహ్మ చైతన్య స్వరూపిణి సరస్వతీదేవి.

శ్వేత పద్మాన్ని ఆసనంగా అధిష్టించి, వీణ, దండ, కమండలం, అక్షమాల ధరించి, అభయముద్రతో భక్తుల అఙ్ఞాన తిమిరాలను ఈ దేవి సంహరిస్తుంది

అమ్మవారికి చేసే పూజావిధానాలకై - ఇక్కడ చూడండి

30/9/2011 - మహాలక్ష్మి

2011-09-29T23:17:00.000-07:00

దేవీ శరన్నవరాత్రులలో మూడవ రోజు శక్తి అవతారిక మహాలక్ష్మి - సర్వమంగళకారిణి, ఐశ్వర్యప్రదాయిని. క్షీరాబ్ది పుత్రిక. డోలాసురమర్ధిని. అష్టలక్ష్ముల సమిష్టి రూపమే మహాలక్ష్మి...

పూజా విధానం కోసం - ఇక్కడ చూడండి

సంపుటి రచయిత డా|| శ్రీ సి.వి.కొండయ్య - ఉత్తమ నవలా రచయిత పురస్కారం

2011-09-22T02:55:00.000-07:00

సంపుటి ధారావాహికం "స్వరసంధ్య" చదువుతున్నా పాఠకులకు డా|| శ్రీ సి.వి.కొండయ్య సుపరిచుతులే. ఆగష్టున డా. పట్టాభిరాం కళాపీఠంవారు, కొండయ్యగారి "ఖజురహో" నవలకు ఉత్తమ నవలా రచయితగా పురస్కారాన్ని రాష్ట్రస్థాయిలో ఎంపిక చేసి, "విజయసాయి పబ్లికేషన్స్ ప్రతిభా పురస్కారం"తో సత్కరించారు. ఈ సత్కార సభ మచిలీపట్నంలో 28/8/2011న జరిగింది. ఈ సందర్భంగా వారి కవితా సంకలనం "నీడను మింగిన నేల" ఆవిష్కరణ జరిగింది.
మరిన్ని వివరాలకు - ఇక్కడ చూడండి

సంపుటి.కాం లో "స్వర సంధ్య" 20వ సంచిక నుండి ధారావాహికంగా ప్రారంభమై, కొనసాగుతోంది. వారి ధారావాహికం స్వరసంధ్య చదవడానికి ఇక్కడ చూడండి

ఈ వారం ప్రత్యేక వంటకం

2011-09-20T00:25:00.000-07:00

వర్షాకాలంలో సాయంత్రం సమయంలో ఏదైనా చిరుతిండ్లు వేడివేడిగా తింటే ఎంత బాగుంటుందో కదా! ఎప్పుడూ చేసుకునే పకోడీ, బజ్జీలే కాకుండా ఆట విడుపుగా రుచితో పాటూ, పౌష్టిక విలువలు గల, ఈ సరికొత్త వంటకం ప్రయత్నించండి…. పాలకూర మైదా గ్రీన్ పౌచ్

ఎలా తయారు చెయ్యాలో ఇక్కడ చూడండి

సంచిక : 27 ఖర నామ భాద్రపద కృష్ణ పక్ష పత్రిక - 13 సెప్టెంబర్ 2011 - 27 సెప్టెంబర్ 2011

2011-09-14T22:41:00.000-07:00

కర్ణాటక సంగీత విశ్వ-జనీనతను చూపగల్గిన ఏకైక కళామర్మజ్ఞుడు శ్రీ నూకల చినసత్యనారాయణ గారి గురించి వ్యాసం

స్నేహానికి ప్రతిరూపంగా నిలిచిన స్నేహితునికి అతను చూపిన కృతఙ్ఞత , నేస్తమా, ఎక్కడున్నావ్? - రచయిత గీతిక

జపాన్ కు కలిగిన విపత్తు మనకు ఏం చెబుతుంది? సంపుటి అంతర్ముఖం సంపాదకీయంలో అవధుల్లేని అభివృద్ధి అవసరమా?

ఈ పక్షం విహారిలో కాలగర్భంలో కొట్టుకుపోయిన ప్రపంచ వింతలలో మరొక వింత, "ఒలంపియాలో జీసస్ విగ్రహం"

‘శరీరమాధ్యం ఖలు ధర్మసాధనం’ అన్నారు, అలాంటి శరీరం ఆరోగ్యంగా ఉంటేనే మనిషి ఏదైనా సాధించేది, తాడినాడ రామచంద్రరావుగారి "ఆరోగ్యం" వ్యాసం.

సినిమా హీరోయిన్ షూటింగ్ సెట్ మీద పుట్టినరోజు జరుపుకున్న సంబరం, మల్లిక్ వ్యంగ్యాస్త్రం - నవ్వితే నవరత్నాలలో "షూటింగ్ లో కోటింగ్"

ఈ పక్షం చిన్నారులకు మళ్ళ ధర్మరాజుగారి నేతి మిఠాయి కధ - హనుమంతుని కనువిప్పు

పత్రిక చదవడానికి ఇక్కడ క్లిక్ చెయ్యండి

హైదరాబాదులో వినాయకుడు

2011-09-07T03:47:00.000-07:00

హైదరాబాదులో గణేషుని పండుగ ఎంత ఘనంగా చేస్తారు చెప్పనవసరంలేదు. ఊరు ఊరంతా, అన్ని ప్రాంతాలలో చిన్నా-పెద్ద అన్ని స్థాయిలలో గణపతిని ప్రతిష్టించి, శాస్త్రయుక్తంగా తొమ్మిది రోజులు పూజ చేసి, చివరిగా హుస్సేన్ సాగరంలో నిమజ్జనం చెయ్యడం ఆనవాయితీ. ఈ సంబరాలను పురస్కరించుకొని, ఈసారి సంపుటిలో వినాయక చవితి ప్రత్యేకంగా హైదరాబాదు నగరంలో విశేషంగా పూజింపబడే పండల్ గణపతులను (వినాయకుని మంటపాలను) మీ ముందుకు తీసుకు వచ్చాం. అంతే కాదు మీరు స్వామి దర్శనం ప్రత్యక్షంగా చేసుకోవాలంటే చిరునామా వివరాలను కూడా పొందుపరిచాము. హైదరాబాదు వివిధ చోట్ల ఉన్న వినాయకుళ్ళలో మీరు ఎక్కడ చూస్తున్నారో "మా మేప్" మేకు సహాయ పడుతుంది...

ఈ వినాయకుళ్ళను దర్శించి, మీకు నచ్చినవి ఏవో మాకు చెప్పండి

హైదరాబాదులో వినాయకుడు

ఈనాడు గురు పౌర్ణిమ

2011-07-14T22:09:00.000-07:00

ఈ యువకుడు తన ఎనిమిదవ ఏటే నాలుగు వేదాలనూ ఔపాసన పట్టి, 16 వ ఏటికి అన్ని శాస్త్రాలనూ జీర్ణించుకున్నాడు. మరో పదహారేళ్ళు మాత్రమే జీవించి, ఆ పదహారేళ్ళూ కాలినడకన ఈ దేశమంతా పర్యటించి దేశంలో హిందూ ధర్మానికి సడులుతున్న పునాధుల్ని పటిష్టం చేశాడు. నాలుగు దిక్కుల్లో నాలుగు పీఠాలను స్థాపించాడు. అన్ని శాస్త్రాలకూ అనితర సాధ్యంగా భాష్యాలను రాశాడు. వెళ్ళడానికి కష్ట తరమైన కేదార క్షేత్రాన్ని దర్శించుకుని, అక్కడే తన తనువు చాలించాడు.
అతడు ఆదిశంకరులు. ఈ గురు పౌర్ణిమ రోజున ఆ మహానుభావునికి సంపుటి నివాళి.

సంపుటి కొత్త రూపం

2011-07-12T22:20:00.000-07:00

కొన్ని సాంకేతిక కారణాలవల్ల సంపుటి వెబ్-సైట్ ఇన్ని రోజులు పాఠకులకు లభ్యం కాలేదు. ఇప్పుడు ఒక కొత్త రూపంతో మళ్ళా మొదలైంది.అన్ని లింకులూ విశేషాలూ ఇంకా మీ అందుబాటులోకి రాకపోయినా పత్రిక మాత్రం ముందుగా మొదలుపెట్టాము. ప్రస్తుతం 26వ సంచిక మీకు అందుబాటులో ఉంది. త్వరలో మిగతా విశేషాలను కూడా లభ్యం చేస్తాము.

సంపుటిని ఇక్కడ నుండి చూడండి

రాయప్రోలు సుబ్బారావు - "శ్రీలు పొంగిన జీవగడ్డ.."

2011-05-27T05:12:00.000-07:00

రాయప్రోలు సుబ్బారావు (1892-1984) ఆధునిక తెలుగు సాహిత్యానికి ఆద్యులలో ఒకరని చెప్పవచ్చు. పాశ్చాత్య సాహిత్య ప్రభావముతో ఆటను తెలుగులో నూతన పోకడలు చేసారు. అతని రచనలో పాశ్చాత్య ఆలోచనా ధోరణి కనిపించిన ఛందోబద్దంగా తెలుగు ప్రక్రియ మాత్రం విడువలేదు. దేశభక్తి నుంచి ప్రేమ కధల వరకు అనేక విషయముల ను గురించి రచన చేసారు. తెలుగు భాషాభిమాని - తెలుగు దేశాభిమాని. "ఏ దేశమేగినా యందు కాలిడినా, పొగడరా నీ తల్లి భూమి భారతిని..." అని దేశ భక్తి చాటారు.

వారి "శ్రీలు పొంగిన జీవగడ్డ.." సంపుటి. అభిమాన పాటలలో ఒకటి..మీకోసం ఇక్కడ చూడండి

సంపుటి లో ప్రశ్నావళి

2011-05-26T03:18:00.000-07:00

కొత్త కొత్త ప్రశ్నలను మీముందుకు తెచ్చి మన పౌరాణిక పరిజ్ఞానాన్ని ప్రశ్నావళిలో మీముందుకు తెస్తోంది సంపుటి. ప్రశ్నావళిని ప్రయత్నించి, మీ అభిప్రాయాన్ని తెలియజేయండి. మీ దగ్గర అరుదైన, ఆసక్తి కల విషయాలు ఉంటే, మాకు మీ మాటగా పంపించండి.

సంపుటి లో ప్రశ్నావళి

వంటింటి ఆరోగ్యం - మొలకెత్తిన పెసల కూర

2011-05-24T01:09:00.000-07:00

మొలకెత్తిన గింజలు చిగురించే ఆరోగ్యం: విటమిన్లు, ఖనిజలవణాలు, ప్రొటీన్లు, ఇతర ఎంజైములను శరీరానికి సమృద్దిగా అందించాలంటే ఏంచేయాలి! అందుకు సులువైన, చౌకైన, సురక్షితమైన మార్గం ఏమైనా ఉందా అందుకు సమాధానమే మొలకెత్తిన గింజలు, మొలకెత్తిన గింజల్లో కొవ్వుశాతం తక్కువ పీచుపదార్ధాల పరిమాణం ఎక్కువ కొలెస్ట్రాల్ ఆనవాళ్ళే ఉండవు.
మొలకెత్తిన గింజలకు ఎందుకింత ప్రాధాన్యం?

* మొలకెత్తే సమయంలో గింజల్లో క్లోరోఫిల్ శాతం పెరుగుతుంది. రక్తహీనత ఉన్నవారికి క్లోరోఫిల్ అద్భుతంగా పనిచేస్తుందని అధ్యయనాలు చెబుతున్నాయి.
* గింజలు మొలకెత్తేటప్పుడు జరిగే రసాయనిక మార్పుల వల్ల విటమిన్లు, పీచుపదార్ధాల శాతం అనూహ్యంగా పెరుగుతుంది. జీర్ణమవుతాయి.
* శరీరానికి ఎంతో మేలు చేసే ఎంజైముల భాడాగారం మొలకెత్తిన గింజలను పేర్కొనవచ్చు.

మొలకెత్తిన గింజలను ఎవరెవరు ఎంతెంత తీసుకోవచ్చు:
* ఆరోగ్యానికి మేలు చేస్తాయి కదా అని అదేపనిగా గుప్పెళకొద్దీ తింటే ఇబ్బంది తప్పదు.
* వయసు, ఆరోగ్యపరిస్థితిని బట్టి వీటిని తీసుకునే పరిమాణం ఆధారపడి ఉంటుంది.
* టీనేజర్లు, ముప్పయ్యేళ్ళలోపు వారు అరకప్పు మొలకెత్తిన ధాన్యాలను రోజూ తీసుకోవచ్చు.
* మధుమేహంతో భాధపడేవారైతే ఉదయం పదిన్నర పదకొండుగంటల మధ్య ఓ పావుకప్పు తీసుకుంటే సరిపోతుంది.
* ఆరేళ్ళు ఆపైబడిన పిల్లలకైతే మాత్రం మొలకెత్తిన గింజలను ఎండబెట్టి పొడిచేసి దానిని సూప్‌లాగా, రొట్టెలపిండిలో కలిపి ఇస్తే మంచిది.

సంపుటి వంటింటిలో మీ కోసం మొలకెత్తిన పెసలతో ఒక రుచికరమైన వంటకం.... ఇక్కడ చూడండి

భగవద్గీతసారం

2011-05-19T22:02:00.000-07:00

భగవద్గీతను భగవాన్ శ్రీకృష్ణుడు అర్జునుడికి కురుక్షేత్ర సంగ్రామ భూమి లో ఉపదేశిస్తాడు. అన్ని సంధి ప్రయత్నాలూ విఫలమైన తర్వాత, యుద్ధం ప్రకటిస్తారు పాండవులు. సంగ్రామ భూమిమీద అడుగు పెట్టిన తర్వాత ఆ మహా సైన్యం చూసి, వారిలో తన తాత అయిన భీష్మపితామహుడు , గురువు ద్రోణాచార్య మొదలగు బంధువులను చూసి, వారిని చంపడమనే ఆలోచన అర్జునుడిని విచలితుడిని చేస్తుంది. అస్త్రసన్యాసము చేయదలచిన అర్జునుడిని సారధి అయిన శ్రీ కృష్ణుడు మందలించి అతడికి కర్తవ్య బోధన చేయడమే గీతా సారాంశము. శ్రీ కృష్ణుడు అర్జునుడికి ఈ సంగ్రామము ధర్మాధర్మముల మధ్య జరుగుతున్నదిగా వివరించి, ఎవరైతే అధర్మము యొక్క పక్షమునందు ఉండేదరో వారి వినాశనము తప్పదని కర్మ సిద్ధాంతాన్ని బోధిస్తాడు. .ఏ విధముగ శ్రీమన్నారాయణుడు అధర్మము భూమినందు ప్రబలిన వేళ అవతరించి దానిని రూపుమాపునో చెప్పి తన విశ్వరూప దర్శనాన్ని ప్రసాదిస్తాడు.

భగవద్గీత అర్జునుని కర్తవ్యము బోధించేదిగానే కాక సర్వకాలములలో క్షాత్ర ధర్మాన్ని నిర్వహించేవాడి కర్మ మరియు క్రియ ఎలా ఉండాలో వివరంగా చెప్తుంది. ఏ విధంగా వ్యక్తీ ద్వివిధమైన లోక రీతిని అధిగమించి, మనసును నిర్వికారముగా ఉంచుకొని, కర్మ ఫలితములు ఆ పరమాత్మకు నివేదన చేసి మోక్షము పొందవచ్చో గీత చెప్తుంది. గీత ఒక జీవన్మార్గము, ఒక మార్గ దర్శకము. ఇందు వలన హిందూ సాంప్రదాయంలో గీత ఒక గొప్ప వేదాంత విషయముగా నిలిచింది

గీత శ్లోకాలు, వాటి అర్ధం కోసం -
తెలుగులో ఇక్కడ చూడండి
ఆంగ్లంలో ఇక్కడ చూడండి.

వైశాఖమాసం హనుమజ్జయంతి

2011-05-17T01:16:00.000-07:00

ఈ రోజు హనుమాన్ జయంతి. ఈ సందర్భంగా విశేషాలను సంపుటిలో చూడండి

సంపుటి లింకు ఇక్కడ చూడండి

సంపుటి సంచిక 26

2011-05-11T22:51:00.000-07:00

సంపుటి పక్షపత్రిక విడుదల అవుతున్నా, మీకు విద్యుల్లేఖ పంపించడంలో సాంకేతిక పరమైన ఇబ్బందులవల్ల అంతరాయం వచ్చింది. ముందు ముందు కూడా ఇంకా విశేషాలతో మీముందుకు రాబోతున్న సంపుటి.............

సంపుటి సంచిక 26 ఇక్కడ నొక్కండి

విషయ సూచిక

సంక్రాంతి కధలపోటీలలో సాధారణ ప్రచురణకు ఎంపిక ఐన కధ - జొన్నలగడ్డ మార్కండేయులుగారి "వసంతకోకిల గీతం"

మళ్ళధర్మరాజుగారి నేతి మిఠాయి కధ "ఆవు ఆత్మాహూతి" చిన్నారులకు మనిషికి, జంతువులకు ఉండవలసిన సంబంధాన్ని సున్నితంగా వివరిస్తుంది.

తెలుగు సాహితీ ప్రక్రియలలో నిందాస్తుతి గురించి అడిదం కమలతేజ గారి విశ్లేషణ - భక్తి రంజని - నిందాస్తుతి.

పురాతన ప్రపంచ వింతలలో ఈ పక్షం వింత "సూర్యుని కంచు విగ్రహం"

ఆంధ్రరాష్ట్రం గర్వించదగ్గ పోలీసు అధికారి చదలవాడ ఉమేశ్ చంద్ర గురించి వ్యాసం

అక్షయ తృతీయ నిజ పరమార్ధం ఈ పక్షం పురాణ విశ్లేషణలో “అసలు అక్షయ తృతీయ అంటే?”

టీ.వీ సీరియల్ షూటింగ్ హంగామాకు మురిసిపోయినవారి పరిస్థితి చివరిలో? మల్లిక్ హాస్యగుళిక నవ్వితే నవరత్నాలులో "వాళ్ళంతే"

భారత సంస్కృతి ఔన్నత్యం పై ఒక నజరానా - సంపుటి సంపాదకీయం - హిందూ ఇతిహాసాలలో అశ్లీలతే ఉందా?

అలిగితివా సఖి? - అరిపిరాల సత్యప్రసాద్ కధ

2011-05-10T04:15:00.000-07:00

సంపుటి సంక్రాంతి కధల పోటీలో తృతియ బహుమతి పొందిన కధ - అరిపిరాల సత్యప్రసాద్ కధ "అలిగితివా సఖి".

సున్నితమైన మానవ సంబంధాలను రచయిత తన కధలో అందంగా బంధించారు. కధ చదివి మీ అభిప్రాయం చెప్పండి.

కధను ఇక్కడ చదవండి

నాటి శతకాలు నేడు కూడా చదవదగ్గవేనా?

2011-05-09T01:49:00.000-07:00

ఒక సాహితీ ప్రక్రియ గురించి వ్యాఖ్యానించే ముందు దాని గురించి పూర్తిగా అవగాహన కావాలి. ముఖ్యంగా ఆ ప్రక్రియ గొప్పదనాన్ని నిరాకరించాలంటే దాని గురించి క్షుణ్ణంగా తెలిసిన వారై ఉండాలి. కాని అది మరుగున పడిపోవడానికి వ్యక్తుల నిరాదరణ మాత్రం చాలు. ఇది ఎంతో బాధ కలిగించే విషయమైనా సత్యం. ఒకప్పుడు చిన్నపిల్లలకు సరళమైన శతకములను పిల్లలకు నేర్పించి, ఆ రకంగా చిన్నచిన్న నీతి సూత్రాలు వారి చిన్నారి మనసుల్లో నాటుకునేట్లు చేసేవారు, క్రమంగా విద్యాభ్యాసంలో వారు సాహితీ వివరణలతో శతకాలను, వాటి అర్ధాలను ఆకళింపు చేసుకునేవారు. ఈనాడు భాషకు ప్రాధాన్యత తగ్గి, శతకాల విశిష్టత మరుగున పడిపోయింది. కాని ఒక్క సారి తిరిగి చూస్తే ఆనాటి శతకాలలో ఈనాడు కూడా నేర్చుకోగల్గిన విశేషాలు ఎన్నో!. ఉదాహరణ ఇక్కడ మారవి వెంకయ్య కవి వ్రాసిన భాస్కర శతకంలో చూడండి:

అవనివిభుండు నేఱుపరి యై చరియించినఁ గొల్చువార లె

ట్లవగుణు లైననేమి పను లన్నియుఁ జేకుఱు వారిచేతనే

ప్రవిమలనీతిదాలి యగు రాముని కార్యము మర్కటంబులే

తవిలి యొనర్పవే జలధిదాఁటి సురారులఁ ద్రుంచి భాస్కరా.

"రాజు చతురుఁ డైనయెడల సేవకు లెట్టివారైనను పనులు నెఱవేరును.నీతిశారదుఁడగు శ్రీరఘురాముని కార్యము చపలచిత్తములగు కోఁతులు చక్కఁజేయవా? "

ఈ సూత్రమే కదా వేలకు వేల ఫీజు కట్టించుకొని "Personality Development Courses" అనే పెద్ద పేరు పెట్టుకొని కంపెనీలు మన వాళ్ళకు నేర్పిస్తున్నది. మన పెద్దలు వీటిని ఎప్పుడో చక్కని పద్యాల రూపంలో భద్రపరిచి ఉచితంగా మనకు అందించిన సంపద ఇదే!!

మరిన్ని-పద్యాలకోసం-ఇక్కడ-చూడండి

సంపుటి విద్యుల్లేఖలలో అంతరాయం!!!!

2011-05-03T02:50:00.000-07:00

సంపుటి కొన్ని సాంకేతిక కారణాల వల్ల విద్యుల్లేఖలు పంపించలేక పోవడం జరుగుతోంది, ఈ ఇబ్బందుల్లోంచి బయటపడి త్వరలో మీకు విద్యుల్లేఖలు త్వరలో పంపించడం జరుగుతుంది.

వంటిల్లు హడావిడీ

2011-04-27T03:07:00.000-07:00

సంపుటిలో వంటింటి సందడి మళ్ళా మొదలైంది. ఈ వేసవికి చల్లటి పానీయాలే కాక, ఒంటికి చలవ చేసే కొన్ని వంటకాలు మీరు సుళువుగా చేసుకునేందుకు ఇవ్వడం జరిగింది... చదివి, ప్రయత్నం చేసి, మీ అభిప్రాయాన్ని మాకు తెలియజెయ్యండి.

వంటింటి విశేషాలు

హోళీ రంగులు - జాగ్రత్త!!

2011-03-16T01:35:00.001-07:00

హోళీ రంగులకు ఒక ప్రత్యేకత ఉంది. చలికాలం వెళ్లి వసంత ఋతువు మొదలయినప్పుడు జలుబు జ్వరం రావడం జరుగుతుంది. వీటికి విరుగుడు గా పనిచేసే వేప, కుంకుమ, పసుపు, బిల్వ మరియు ఇతర ఆయుర్వేదీయ మొక్కల నుండి ఒకప్పుడు హోళీ రంగులను తయారుచేసేవారు.
బాదం, పిస్తా, గులాబి రేకులతో “థండై” అనే పానీయం చేసి తాగుతారు, దీంట్లో భాంగ్ కలపడం కొన్ని చోట్ల ఆనవాయితీ కూడా. పలాష్ పువ్వులను ఉడకపెట్టి, రాత్రంతా నానబెట్టి, మర్నాడు పసుపు రంగు తయారు చేస్తారు. ఇది పక్క రంగు. ఈ పలాష్ పువ్వులకు ఔషధీ గుణాలు ఉన్నాయి.
కానీ రాను రాను, వ్యాపార ధోరణి పెరిగి, కృత్రిమ రంగుల అమ్మకం పెరగడం వలన, ఈ సహజమైన రంగుల తయారి ఆగిపోయింది. ఈ కృత్రిమ రంగులు ఆరోగ్యాన్ని దెబ్బతీస్తాయని ఎన్నో చోట్ల పరిశోధనల వాళ్ళ తేలినా పెద్దగ వీటిని ప్రజలు గుర్తించలేదనేచెప్పవచ్చు.

నల్ల రంగులో - లెడ్ ఆక్సైడ్ వలన మూత్రపిండాలు దెబ్బతింటాయి
సిల్వర్ రంగులో ఉండే అల్యూమినియం బ్రోమైడ్, ఎరుపు లో ఉండే మెర్కురీ సల్ఫేట్ - ఈ రెండు కేన్సర్ వ్యాధి కలుగచేసేవి.
నీలం రంగులో వాడే ప్రూషియన్ బ్లు - చర్మ వ్యాధులను కలగజేస్తుంది.
ఆకుపచ్చలో ఉండే కాపర్ సల్ఫేట్ కంటి దురదలు, ఉబ్బడం, కొన్ని సార్లు అంధత్వాన్ని కూడా కలగజేస్తుంది.
గులాల్ రంగులలో వాడే ఆస్బెస్టాస్ వల్ల ఆస్తమా, చర్మ వ్యాధులు, తాత్కాలిక అంధత్వము కలుగుతుంది.

ఈ కారణంగా వాడే రంగులు ఎలాంటివో తెలుసు కొని వాడే అవసరం ఎంతో ఉంది ... పిల్లలూ పెద్దలూ కూడా!

తెలుగు శతక సాహిత్యం

2011-02-06T23:11:00.000-08:00

వారానికి ఒక్క శతక పద్యమైనా పిల్లలకు చదివి, వివరించి, వారికి నేర్పిస్తే ఎంతో వ్యక్తిత్వ వికాసం జరుగుతుంది. పర్సనాలిటీ డెవలప్-మెంట్ కోర్స్ ల కంటే ఇది ఏ రకముగా తక్కువకాదు కదా!! అలాగే మన భాషను అందులో ఉన్న గొప్పతనాన్ని తెలుసుకున్నవారు కూడా అవుతారు మన పిల్లలు

సంపుటిలో శతకములకై ఇక్కడ చూడండి

సంపుటిలో నవరత్నాల వివరాలు

2011-01-27T22:32:00.000-08:00

నవరత్నాల గురించి తెలియని వారు ఉండరు. నవగ్రహాల చెడు ప్రభావాలను పోగొట్టుకోవడానికైనా, మంచి ప్రభావాలను ఇంకా బలపరుచుకోవడానికైనా యెంతో ప్రభావవంతమైనవి నవరత్నాలు. ఒక్కొక్క గ్రహానికి ఒక్కొక్క రత్నం వర్తిస్తుంది.

వైఢూర్యము - కేట్స్ - ఐను నీటిలో ఉంచి, ఆ నీటిని ప్రసవ స్త్రీలచే త్రాగిస్తే శీఘ్రముగా ప్రసవం అవుతుందట. ఇలాంటి కొన్ని ప్రభావాలను తెలుసుకుంటే మన పురాతన సంప్రదాయంలోని విఙ్ఞానం మనకు బోధపడుతుంది. నవరత్నాలు కూడా ఒక శాస్త్రమే!

ఈ వివరాలు చదవండి....నవరత్నాలు, జ్యోతిషశాస్త్రంలో...

సంపుటిలో నవరత్నాల వివరాలు

సంపుటి 22వ సంచిక

2011-01-27T02:16:00.000-08:00

సంపుటి విశేషాలను మీకు అందించడానికి కొంత గ్యాపు వచ్చింది కదా... ఏ మధ్యలోనే సంపుటి 22వ సంచిక విడుదలయ్యింది.

వివరాలు ఇక్కడ చూడండి:

సంపుటి 22వ సంచిక లింకు

నాటి రైతు సగర్వంగా, సంతృప్తిగా… వత్తిళ్ళూ ఆయాసాలూ, ఆత్మహత్యలూ లేకుండా… ‘తాను తిని పదిమందికి తిండిపెట్టే మారాజూ’లా ఉండేవాడు. మరి నేటి పరిస్థితి? - సంపుటి సంపాదకీయం - లక్షాధికారి - లవణమన్నం.

సంపుటి సంక్రాంతి కధల పోటీలో మొదటి బహుమతి పొందిన కధ - వసుంధరగారి "అప్రాచ్యం"

స్వాతంత్ర్య సమర రధసారధి గాంధీమహాత్ముని వర్ధంతి సందర్భంగా అడిదం కమలతేజ వ్యాసం "మహా మహితాత్ముడు"

పేదల కవిగా చెలామణి ఐన కవిగారి విశేషాలు - మల్లిక్ వ్యంగ్యాస్త్రం - నవ్వితే నవరత్నాలు - "కపి"

గతం సంచిక విహారిలో "గతంలో విహారం - నాటి ప్రపంచ వింతల్లో" అన్నిటి గురించీ వివరంగా చూసాం, ఈసారి "ఈజిప్టు పిరమిడ్ల" గురించి వివరం

చిన్నారులకు నేతి మిఠాయి కధలు - బాలసాహిత్య కర్త మళ్ళాధర్మరాజు గారి "సీతాపతి తెలివి"

దేవునికి అతీతంగా మనిషి ప్రకృతిని జయించాడా? మన పురాణాల ఙ్ఞానం మనకు ఏంచెపుతోంది, యడ్లఆదిలక్ష్మిగారి పురాణ విశ్లేషణ – “అసలు మన ఇతిహాసాలు ఎందుకు?”

సంక్రాంతి కధల పోటీ ఫలితాలు

2011-01-18T02:07:00.000-08:00

సంక్రాంతి శుభాకాంక్షలు

2011-01-13T23:49:00.000-08:00

భోగాల భోగీ మీకు ఆనందాన్ని కలిగించి, ఆనందాల సంక్రాంతి సిరి సంపదలను మీ ఇంట నింపాలని మనస్పూర్తిగా ఆశిస్తూ....

Sankranthi_details_in_samputi

మీ సంపుటి

సంపుటి 21వ సంచిక విశేషాలు

2011-01-05T09:30:00.000-08:00

Unsubscribe

" తెలుగు భాష తీయనిది అమ్మతనములోని కమ్మదనము కలబోసుకున్నది. ఈ మాతృభాష చిన్ని సమర్పణ సంపుటి. ఈ సంచికను చదివి ఆనందించండి. హ్యాపీ రీడింగ్!!!
సంపుటి పత్రిక Attachment గా కాకుండా link గా ఇవ్వటం జరిగినది. ఇక్కడ click చేయగలరు.Download magazine
ఔత్సాహికులకు సంపుటి ఆహ్వానం - మీకు రచనలు చేసే ఉత్సాహం కోరికా ఉంటే సంపుటి మిమ్మల్ని ఆదరిస్తుంది. మాకు తెలియజేయండి portals@srisaa.com
విషయ సూచిక మనసులో దాచుకున్న ప్రేమలేఖలకు అతడు ముగింపు పాడిన వైనం. రచయిత కుంతి కధ - " కన్ఫెషన్ " క్రితం సంచికలో ప్రారంభమైన తాన్-సేన్ జీవిత విశేషాలను తెలియజేసే ధారావహికం. డా\|\| సి.వి కొండయ్య - " స్వర సంధ్య " శబరి భక్తికి పులకించిన రామచంద్రుడు ఆమెపై చూపించిన వాత్సల్యం. చిన్నారులకు రచయిత మళ్ళ ధర్మరాజు నేతిమిఠాయిలు - కధ " రాముడు నీలవర్ణుడు " నిత్యజీవితంలో పరుగుల ప్రహసనం పై సంపుటి సంపాదకీయం - " పరుగో-పరుగు " నాట్య శాస్త్రంలో హస్తాల వర్ణన - వివరణ - ప్రయోగాల కొనసాగింపు. డా\|\| హేల వ్యాసం - "సంయుత హస్తాలు" సంక్రాంతి పండుగ విశేషాల కితికితలు పెట్టించే మల్లిక్ కధ. నవ్వితే నవరత్నాలు - " సంక్రాంతి సంబరాలు " మన పాటల గొప్పదనాన్ని వాటి వెనక ఉండే భావాన్ని వివరించే వ్యాసం. అడిదం కమలతేజగారి - " దృష్టి తగలకుండా - నీలాలనివాళులివ్వరమ్మా! " పిల్లల కోసం కొత్త బొమ్మల కధ ధారావాహికం ఈ సంచిక నుండి మొదలవుతోంది. " సహస్ర శిరచ్చేధ అపూర్వ చింతామణి " మన ఋషుల గొప్పదనాన్ని తెలుసుకుందాం. పురాణ విశ్లేషణలో నాగవరపు రవీంద్ర వ్యాసం - " అలనాటి ఇరిగేషన్ ఇంజనీర్ గౌతముడు " ఈ పక్షపత్రికలో విహారం గతంలోకి - మానవ నాగరికతలో ప్రపంచ వింతలుగా ప్రసిద్ధికెక్కిన ఏడు విశేషాలు క్లుప్తంగా - వాటి వివరాలు వచ్చే సంచికలలో చూడచ్చు. గతంలోకి విహారం – నాటి ప్రపంచ ఏడు వింతలు.
సంపుటి ఒక స్వచ్చంద ప్రయత్నం. మనల్ని పెంచిన పద్ధతులను సంప్రదాయాలని సాహిత్యానికి ఒక గొడుగు పట్టాలనే చిన్న ప్రయత్నం. తను ఆస్వాదించిన తెలుగు అందాన్ని ఇతరులకు కూడా చూపించాలనే కోరిక - ఇదే సంపుటిరూపణకు వెనుక ఉన్న కారణం.
ఎందరో మహానుభావులు..... అందరికీ వందనములు

సంక్రాంతి కధల పోటీల గడువు పొడిగింపు!!!

2010-12-29T22:04:00.000-08:00

కొందరి రచయితల కోరిక మీదట సంక్రాంతి కధల పోటీల గడువు పొడిగించడం జరిగింది. మీ కధలు జనవరి 5 కల్లా మాకు అందేట్లు పంపించగలరు

సంక్రాంతి కధల పోటీల గడువు దగ్గర పడిందండోయ్!!!

2010-12-27T09:14:00.000-08:00

సంపుటి 20వ సంచిక

2010-12-23T21:11:00.000-08:00

తేనె + అగు = తెనుగు అని గ్రియర్సన్ అన్నమాట ఎంత నిజమో జాను తెలుగు రుచి చూసినవారికి తెలుస్తుంది. ఆ తేనెవంటి భాషకు సంపుటి పదనివాళి

సంపుటి 20వ సంచిక వివరాల పట్టి:

ఈ సంచికతో కొత్త ధారావాహికం ప్రారంభం అవుతోంది - అపూర్వ సంగీతకారుడు తాన్-సేన్ జీవితం గురించి డా.సి.వి కొండయ్య వ్రాసిన "స్వర సంధ్య"

ఎంతో పరిణితి చెందిన నాగరిక మానవాళిని చూసి వినాయకుడు ఎందుకు నవ్వాడు? - అరవింద్ కుమార్ కధానిక - వినాయకుడు నవ్వుతున్నాడు

తల్లి మీద నిజమైన ప్రేమ గురించి పిల్లలకు చెప్పే కధ - చిన్నారి లోకంలో అసలు ప్రేమ

అమాయక గిరిజనులకు, అహంకార నాగరికులకు మధ్య ఆధిపత్య యుద్ధం జరుగుతోంది ఇప్పుడు ఒరిస్సా రాష్ట్రంలోని కలహందీ జిల్లా లాంజిగిర్ ప్రక్కనున్న నియమగిరి కొండల్లో - సంపుటి సంపాదకీయం - నియమగిరి కొండల్లో... లండన్ వీధులో అవతార్

ఈసారి మల్లిక్ హాస్యకలం నుండి వినూత్నజానపద కధ - నవ్వితే నవరత్నాలలో - నెంబర్ వన్

అష్టాదశపురాణాలు ఏంటో, వాటి వివరాలు ఏంటో మనం క్లుప్తంగా తెలుసుకుందాం ఈ పక్షం పురాణ విశ్లేషణ - అష్టాదశపురాణాలు

ఒక కధ ముగిస్తే ఇంకొకటి మొదలు కావలసిందే!! పిల్లల బొమ్మలకధలో కొత్తకధ ప్రారంభం ఈ సంచికలో

http://samputi.com/launch.php?m=magazine&l=te&si=mag20

మల్లిక్ వ్యంగ్యాస్త్రాలు!!

2010-12-19T22:03:00.000-08:00

తెలుగు కార్టూన్ ప్రపంచంలో మల్లిక్ తెలియని వారుండరంటే అతిశయోక్తి కాదు! ఇంకా చెప్పాలంటే మల్లిక్ ని మించినవారు లేరని చెప్పవచ్చు. వారి వ్యంగ్యాస్త్రాలకు నవ్వనివారు ఉండరు, అలాగే ప్రతీ వ్యంగ్యాస్త్రం ఆలోచన రేకెత్తించేదిగా ఉంటుంది. సమకాలీన విషయాలపై వారు వ్రాసిన వ్యంగ్యకధలు కూడా ఆలోచింపజేసేవిగా ఉంటాయి. మల్లిక్ హాస్యం మీకోసం ప్రత్యేకంగా..... చదివి ఆనందించండి....

http://www.samputi.com/launch.php?m=mallik&l=te#

సంక్రాంతి కధల పోటీల వివరాలకి ఇక్కడ చూడండి

http://www.samputi.com/app_data/story.html

నేడు గీత జయంతి

2010-12-17T02:16:00.000-08:00

నేడు గీతజయంతి... ఈ సందర్భంగా ఒక రెండు ముక్కలు ఇలా అనుకుందాం:

హిందువులుగా, భారతీయులుగా మనం ఆత్మవిశ్వాసం అంటే భగవంతుడి మీద విశ్వాసం అని నమ్మకం. ఎందుకంటే అహం బ్రహ్మస్మి అన్నది పెద్దల నానుడి. సర్వజీవులూ, ప్రాణులూ ఆత్మ అయితే భగవంతుడు పరమాత్మ. దేవుడు సర్వప్రాణుల్లో ఉన్నాడు. సర్వప్రాణులూ దేవుడిలో ఉన్నాయి. ఇది భగవద్గీత మనకి చాలా స్పష్టంగా చెబుతుంది.

భగవద్గీత:

సంగ్రామ భూమిమీద అడుగు పెట్టిన తర్వాత ఆ మహా సైన్యం చూసి, వారిలో తన తాత అయిన భీష్మపితామహుడు , గురువు ద్రోణాచార్య మొదలగు బంధువులను చూసి, వారిని చంపడమనే ఆలోచన అర్జునుడిని విచలితుడిని చేస్తుంది. అస్త్రసన్యాసము చేయదలచిన అర్జునుడిని సారధి అయిన శ్రీ కృష్ణుడు మందలించి అతడికి కర్తవ్య బోధన చేయడమే గీతా సారాంశము. శ్రీ కృష్ణుడు అర్జునుడికి ఈ సంగ్రామము ధర్మాధర్మముల మధ్య జరుగుతున్నదిగా వివరించి, ఎవరైతే అధర్మము యొక్క పక్షమునందు ఉండేదరో వారి వినాశనము తప్పదని కర్మ సిద్ధాంతాన్ని బోధిస్తాడు. .ఏ విధముగ శ్రీమన్నారాయణుడు అధర్మము భూమినందు ప్రబలిన వేళ అవతరించి దానిని రూపుమాపునో చెప్పి తన విశ్వరూప దర్శనాన్ని ప్రసాదిస్తాడు.

భగవద్గీత అర్జునుని కర్తవ్యము బోధించేదిగానే కాక సర్వకాలములలో క్షాత్ర ధర్మాన్ని నిర్వహించేవాడి కర్మ మరియు క్రియ ఎలా ఉండాలో వివరంగా చెప్తుంది. ఇందు వలన హిందూ సాంప్రదాయంలో గీత ఒక గొప్ప వేదాంత విషయముగా నిలిచింది

క్షాత్రధర్మం అంటే కత్తిపట్టుకు చేసేదనే కాదుకదా! ఇప్పుడు ప్రతి ఒక్కరూ ఒక క్షత్రియునిలా బ్రతకవలసినదే! గీతను నిజజీవితానికి అన్వయించుకుంటే అసలు ఏ సామాజిక శాస్త్రమూ చదవనవసరంలేదు!!!

గీత పఠనం కోసం ఈ లింక్ చూడండి:

http://samputi.com/launch.php?m=bhakthi&sm=epic&l=te&eid=1

సంపుటి 19 సంచిక వివరాలు

2010-12-15T03:04:00.000-08:00

పత్రిక చదవడానికి ఇక్కడ నొక్కండి:

http://samputi.com/launch.php?m=magazine&l=te&si=mag19

విషయ సూచిక

"పెద్ద"వాళ్ళ విధివిధానాలను, ఆఫిసుల్లో జరిగే మతలబులను తెలుసుకున్న తర్వాత అతడికి తండ్రి తనను "కుర్రవెధవా" అను ఎందుకన్నాడో అర్ధమైంది.చాగంటి శంకర్ కధ - "కుర్రవెధవా!!"
విక్రమమార్క - భేతాళ కధలో మన తెలుగు సినిమా - టీ.వీ సీరియళ్ళ ప్రహసనం . తిలక్ కధ - " భ్రంశమతి! "
ములక్కాడంత ముసలమ్మ కధ ఆ తరంలో, ఈ తరంలో ప్రతీ చిన్నారీ చదవవలసిందే!!
’అతి సర్వత్ర వర్జ్యతే’ అమి తెలిసినవారమైనా సాంకేతిక పరిఙ్ఞానాన్ని అతిగా ఉపయోగించి ఎటు వైపుకు పరుగులు తీస్తున్నాం? సుషుమ్న తాడినాడ విశ్లేషణ - " సాంకేతిక పరిజ్ఞానం వరమా? శాపమా? "
అభిప్రాయ వ్యక్తీకరణ, స్వేచ్ఛావాదం... పేరిట, మన సంస్కృతిని మరిచినందుకు సమాజం అనుభవిస్తున్న పర్యవసానం. సంపాదకీయం - " పార్క్ ఉడ్ పాపం దేనికి ప్రతిఫలం? "
తేనెలొలికే తెలుగు పాటల సమాహారం తేనెజల్లు లో ఈ పక్షం పాట - "తేనెకన్నా తీయనిది తెలుగు భాష"
వరదలొచ్చి ప్రజలు ప్రాణాలు చేతిలో పెట్టుకొని సహాయం కోసం ఎదురుచూస్తుంటే, ఈ వైపరీత్యాలను సొమ్ముచేసుకుని బతికే వారి మనోగతాలనను ఆవిష్కరించే మల్లిక్ వ్యంగ్య గుళిక. నవ్వితే నవరత్నాలు - " హయ్!..... తుఫానొచ్చిందోచ్ "
భగవంతుడు సాకారుడు - నిరాకారుడు కూడాను. ఈ పక్షం పురాణ విశ్లేషణ - " హైందవ ధర్మంలో విగ్రహారాధన "
పిల్లల బొమ్మల కధ కీలుగుర్రం ఈ పక్షంతో సుఖాంతం అయింది...
జాను తెలుగు భాషలో రామాయణ ఆవిష్కారం చేసింది కవయిత్రి మొల్ల , తెలుగు కవయిత్రులలో మొల్లది విశిష్టస్థానం.. ఈ పక్షం తెలుగువెలుగు మొల్ల

ఆంధ్ర రాష్ట్రంలో దర్శించదగ్గ ఆహ్లాదకరమైన కొండప్రదేశాలు ఈ పక్షం విహారిలో

ఇది చూసారా?

2010-12-14T21:23:00.000-08:00

సంపుటి ప్రశ్నావళి!!

2010-12-14T01:50:00.000-08:00

పురాణ విషయాలను తెలుసుకోవడం ఎంతో ఆసక్తికరంగా ఉంటుంది. ప్రత్యేకంగా హైందవ పురాణాలు!! ఒక్క దశావతారాలే తీసుకుంటే ఎన్నో విచిత్రాలు కనిపిస్తాయి, కేవలం ఆధ్యాత్మికంగానే కాక మన సంప్రదాయ పరంగా, చరిత్రపరంగా ఎంతో ఆసక్తికరమైన విశేషాలు తెలుస్తాయి...

సంపుటి ప్రశ్నావళి అద్భుతమైన పురాణ విశేష భాండాగారంలోకి తొంగిచూసే ప్రయత్నమే!! మీరు మా ప్రశ్నావళిని చూసారా?

http://samputi.com/launch.php?m=contests&sm=quiz&l=te

కీలుగుర్రం - సుఖాంతం

2010-12-08T21:19:00.000-08:00

కీలుగుర్రం కధ సుఖాంతమైంది.

http://samputi.com/launch.php?m=magazine&l=te&si=mag19

అసలు మన తెలుగు జానపద కధలు చదవడానికి ఎంతో ఉత్కంఠభరితంగా ఉండి, చివరికి భలే మజాగా ఉంటాయి. ఈ కధలను కదిలే బొమ్మలరూపంలో చూపిస్తే నేటి తరానికి వచ్చే తరానికి కూడా ఎంత బాగుంటుందో కదా!!

మన తెలుగు సినిమా వారు జానపద చిత్రాలను పూర్తిగా వదిలేసారనే చెప్పాలి!!! అంటే అక్కడక్కడా - అప్పుడప్పుడూ కనిపిస్తాయి...కాని ఈ ప్రక్రియ ఎలాగైన పోతోంది!

అన్నట్లు పిల్లల బొమ్మల కధగా ఒక కొత్త జానపదం మొదలు కాబోతోంది...వచ్చే సంచికతో....

మా తెలుగు తల్లికి మల్లెపూదండ!!

2010-12-07T01:21:00.000-08:00

ఈ పాట వినినప్పుడల్లా ఒళ్ళు పులకరిస్తుంది. ఎంతటి అద్భుతమైన పాట, టంగుటూరు సూర్యకుమారి ఎంత
అద్భుతంగా పాడారు. ఇలాంటి ఆణిముత్యాలే సంపుటికి పునాది.

http://samputi.com/launch.php?m=telugu&l=te#

సంక్రాంతి కధల పోటీలండోయ్!!

2010-12-06T01:32:00.000-08:00

చిన్నారి గీతాలు

2010-11-30T09:06:00.000-08:00

తెలుగు సాహిత్యంలో చిన్నారి పదాలికి ఒక ప్రత్యేకమైన స్థానం ఉంది.

అప్పుడే మాటలు నేర్చుకుంటున్న చిన్నారులకు మీగడ తారకల లాంటి చిన్న చిన్న మాటలు, పాటల రూపంలో నేర్పేవిగా ఉంటాయి ఈ చిన్నారి పాటలు

చిన్నారులకు సరళ భాషలో పరిసర విశేషాలను బోధ పరిచేవిగా, మానవ సంబంధాలను వివరించేవిగా ఉండే ఈ పదాలకు ఆద్యులేవరో తెలియదు., సామాన్య జనావళి నుండి పుట్టుకొచ్చి , వారి నోటిలలో నాని బ్రతికినది ఈ ప్రక్రియ. ఈ పాటలు నిజమైన వారసత్వముగా చిన్నారులకు ఇవ్వబడినవి.

మధ్య కాలంలో ఆంగ్ల పదాల (Rhymes) హోరులో పడి తెలుగు చిన్నారి గీతాలు కొంత మరుగున పడినా, మళ్ళా వాటికీ రోజులు వచ్చాయనే చెప్పవచ్చు. నేటి కాలంలో చాల సంస్థలు వీటిని ఛాయా చిత్రాలుగా మలచడం జరిగింది. ఈ రకంగా పదాలతో పాటు బొమ్మలు కూడా తోడవడంతో ఇవి చిన్నారులకు ఆసక్తికరంగా ఉండడం వాస్తవం.

ఇవి మేము చేసినవి కావు. వీడియో రూపంలో వివిధ సైట్లలో ఉన్న ఈ చిన్నారి గీతాలు, కధలు ఒక చోట చేర్చి పెట్టాము.

http://samputi.com/launch.php?m=badi&sm=geyamulu&l=te